Pani pat ke Ulmae wa Masahikh ki Deeni wa Ilmi Khidmat

پانی پت (ضلع کرنال)کاعلاقہ بڑامردم خیز ہے۔پرفضااورہرے بھرے سبزے سے متصف ہونے کے باعث یہ علاقہ دوردرازسے ہجرت کرکے آنے والوںکے لئے مستقل سکونت کاباعث بنا۔ان خوبیوں کے باعث کئی مسلمان خاندان اس علاقے میںواردہوئے جنہوںنے پانی پت کی خوبیوں کو چار چاند لگادئیے۔طویل عرصے تک علوم دینیہ باالخصوص حفظ القران،تجویدوقرا ت اورعلم حدیث وتفسیر کامرکز رہنے کے باعث ایسے صلحاء وعلماء نے جنم لیاجنہوںنے اپنے عظیم کارناموںسے بے مثل تاریخ رقم کی۔میںپانی پت کی جغرافیائی صورتحال کا جائزہ لیاگیاہے خصوصاً فوجی نقطہ نگاہ کے لحاظ سے اہمیت کے پیش نظرمختلف جنگی سپہ سالاروںکی اس علاقے میںآمداور ان کے مابین جنگوںکاذکرکیاگیاہے۔مذکورہ علاقہ سلاطین دہلی اورمغلیہ دورحکومت میںعلم وفضل اورروحانی تسکین کی ایسی آماجگاہ تھاجہاںدوردورسے لوگ آکراپنی پیاس بجھاتے،ان میںارباب اختیارسے لے کرسلطنت کے اہم عہدوںپرفائزعہدیداربھی بزرگوںسے استفادہ کرنے میںپیش پیش ہوتے اوران بزرگوںکی قدم بوسی کواپنے لئے باعث برکت سمجھتے تھے ان بزرگوںکے مزارات اس علاقے کی عظمت کامنہ بولتاثبوت ہیں۔مغلیہ سلطنت کے آخری دورحکومت میںاندرونی خلفشاراورباہمی رسہ کشی کے باعث مغلیہ سلطنت کمزور اور انتشار کاشکار ہوگئی۔ نتیجتاًبیرونی طاقتوںنے پنجہ آزمائی کرکے بآسانی مسلمانوںکے سنہری دورکوغلامی کی نجیروں میں جکڑدیا۔ استعماری طاقتوںنے اسی پراکتفانہیںکیابلکہ زندگی کے ہرشعبہ حیات میںمسلمانوںکوپیچھے دھکیلنے کی پالیسی پرعمل کیا۔اس پالیسی کوعملی جامہ پہنانے میںمقامی متعصب آبادی جس سے مسلمانوںنے ہمیشہ رواداری اوربھائی چارے کواپنایاپیش پیش تھی،یہی وجہ ہے کہ قیام پاکستان کی تحریک کے دوران ہندوستان کے جن علاقوںکو ان متعصب ہندوئوںنے اپنی درندگی اورہوس کانشانہ بنایاان میںپانی پت بھی شامل تھا۔