Dua ki Qabuliat k Ahkaam o Adaab دعا کی قبولیت کے احکام و آداب

 دعا انبیاء اور قیامت تک مسلمانوں کے لیے قربِ االہٰی کا ایک معتبر اور مؤثر ذریعہ ہے۔ یہ عمل بذات خود ایک عبادت ہے جس سے خالق و مخلوق کے درمیاں عبد و معبود کا وہ رشتہ استوار ہوتا ہے جس کے بغیر زندگی کا دامن محرومیوں اور مایوسیوں سے بھرا رہتا ہے۔ صحیح احادیث سے پتہ چلتا ہے کہ اللہ تعالیٰ دعا نہ مانگنے والوں سے ناراض ہوتا ہے اور قران مجید کے مطالعے سے معلوم ہوتا ہے کہ حق تعالیٰ نے نہ صرف دعا مانگنے کا حکم دیا ہے بلکہ اس کا اسلوب بھی سیکھایا ہے اور اس کی قبولیت کی نوید بھی دی ہے۔ یہ مختصر مگر جامع کتاب قبولیت دعا کے شرعی منہج کو واضح کرتی ہے، اس کے آداب و شرائط پر روشنی ڈالتی ہے اور ان امور سے با خبر کرتی ہے جن کی موجودگی میں دعائیں بے اثر ہوجاتی ہیں۔ یہ مختصر کتاب ہر مسلمان کی پوری رہنمائی کرتی ہے کہ اس کی دعائیں کن طریقوں سے اور کن مواقع پر قبولیت حاصل کر سکتی ہے۔ اللہ تعالیٰ ہمیں اس مقصد میں کامیاب فرمائے۔ آمین یا رب العالمین!